Tramp Qoshiqchining o‘ldirilishini muvaffaqiyatsiz «fitna» deb atadi

AQSh prezidenti Donald Trampning ma'lum qilishicha, saudiyalik muxolif jurnalist Jamol Qoshiqchi «fitna» oqibatida o‘ldirilgan. Prezidentning fikri USA Today tomonidan keltirildi.

Amerika yetakchisining bildirishicha, Qoshiqchi «fitna kutilmagan tarzda yakun topgani» tufayli halok bo‘lgan. Shuningdek, u jurnalistning o‘ldirilishini qoraladi va bu harakatni «ahmoqona», deb tan oldi.

Shu bilan birga, Trampning yana bir bora ma'lum qilishicha, Saudiya Arabistoni bilan mudofaa shartnomalaridan voz kechishni rejalashtirmayapti. Uning ta'kidlashicha, bu mamlakatga nisbatan choralar qo‘llash uchun «boshqa yo‘llar» bor.

Eslatib o‘tamiz, avvalroq Saudiya Arabistoni jurnalistning o‘ldirilishini «jiddiy xato» deb atagandi.