Трамп Қошиқчининг ўлдирилишини муваффақиятсиз «фитна» деб атади

Фото: REUTERS

АҚШ президенти Дональд Трампнинг маълум қилишича, саудиялик мухолиф журналист Жамол Қошиқчи «фитна» оқибатида ўлдирилган. Президентнинг фикри USA Today томонидан келтирилди.

Америка етакчисининг билдиришича, Қошиқчи «фитна кутилмаган тарзда якун топгани» туфайли ҳалок бўлган. Шунингдек, у журналистнинг ўлдирилишини қоралади ва бу ҳаракатни «аҳмоқона», деб тан олди.

Шу билан бирга, Трампнинг яна бир бора маълум қилишича, Саудия Арабистони билан мудофаа шартномаларидан воз кечишни режалаштирмаяпти. Унинг таъкидлашича, бу мамлакатга нисбатан чоралар қўллаш учун «бошқа йўллар» бор.

Эслатиб ўтамиз, аввалроқ Саудия Арабистони журналистнинг ўлдирилишини «жиддий хато» деб атаганди.

Тайёрлаган Отабек Матназаров

#Дональд Трамп #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди