«Dori-darmon» dorixonalar tarmog‘i Amerika kompaniyasi boshqaruviga o‘tdi

«Dori-darmon» dorixonalar tarmog‘ining boshqaruvi Amerikaning United Investment Healthcare kompaniyasiga o‘tdi. 

Vazirlar Mahkamasining qaroriga muvofiq, Amerikaning United Investment Healthcare Group kompaniyasi «Dori-Darmon» ustav kapitalidagi davlat ulushini (71 foiz) qo‘lga kiritadi.

Qayd etilishicha, mazkur qaror «Dori-darmon» kompaniyasi boshqaruvi samaradorligini oshirish, korporativ boshqaruvning zamonaviy uslublarini joriy etish hamda aholi va respublika tibbiyot muassasalarini sifatli dori-darmon vositalari va tibbiyot buyumlari bilan uzluksiz ta'minlash maqsadida qabul qilindi.

“Dori-Darmon” kompaniyasi dori sifatida foydalaniladigan narkotik psixotropik dori vositalarini davlat kasalxonalariga yetkazib beradigan yagona ta'minotchi sanaladi.