OAV: Trampning telefoni Rossiya va Xitoy maxsus xizmatlari tomonidan tinglanmoqda

AQSh maxsus xizmatlari prezident Donald Trampni shaxsiy telefoni yetarlicha himoyalanmagani borasida bir necha bor ogohlantirishgan. Bu haqda The New York Times xabar bermoqda.

Maxsus xizmatlarning fikriga ko‘ra, Trampning telefonini Xitoy va Rossiya razvedkasi xodimlari tinglashmoqda.

Nashr ma'lumotlariga ko‘ra, Tramp maxsus xizmatlarning tavsiyalarini e'tiborsiz qoldiryapti va yashirin ravishda tinglashdan yetarli darajada himoyalanmagan telefondan foydalanishni davom ettirmoqda.

Shuningdek, xabar qilinishicha, Amerika maxsus xizmatlari ma'lumotlariga ko‘ra, Xitoy razvedkasi Tramp Pekin bilan savdo urushini kuchaytirish haqida o‘ylamayotganiga oydinlik kiritish maqsadida AQSh prezidentining telefonini tinglaydi.

Ta'kidlanishicha, Qo‘shma Shtatlar Rossiya razvedkasini nisbatan kamroq tahdid, deb hisoblaydi. 

Eslatib o‘tamiz, avvalroq Tramp Putin bilan uchrashuvini tasdiqlab, Erdo‘g‘anning Qoshiqchi ishi bo‘yicha fikriga qo‘shilmagandi.