FVV Toshkentdagi fojia bo‘yicha o‘z taxminini bildirdi

Favqulodda vaziyatlar vazirligi Toshkent shahar FVBdan olingan ma'lumotga asosan, joriy yilning 30 oktabr kuni Toshkent shahar Chilonzor tumani, «Gavhar» MFY, Dilxush ko‘chasida yashovchi 4 nafar fuqarolar vafot etganligi va 1 nafari kasalxonaga yotqizilganligi aniqlangan. 

FVV matbuot xizmati xabariga ko‘ra, tibbiy ko‘rik va tekshiruv natijalariga ko‘ra ularga «Ovqatdan zaharlanish» dastlabki tashxisi qo‘yilgan.

Vafot etganlar:

1. A.A. 1996 y.t.
2. I.A. 2003 y.t.
3. E.A. 2001 y.t.
4. F.A. 2012 y.t.

Jabrlangan:

1. U.X. 1976 y.t. 

Hozirda mazkur holat yuzasidan dastlabki tergovoldi surishtiruv ishlari olib borilmoqda.

Eslatib o‘tamiz, avvalroq Toshkentdagi fojia bo‘yicha hukumat komissiyasi tuzilgani, sabablar o‘rganilayotgani xabar qilingandi.