Germaniya va Fransiya Rossiyani YeXHT droniga hujumda aybladi

Germaniya va Fransiya vakillarining ma'lum qilishicha, Ukraina sharqida YeHHT missiyasining uchuvchisiz uchar qurilmasi urib tushirilgani uchun Rossiya javobgardir. Bu haqda Berlin va Parij qo‘shma bayonotida aytiladi, deya xabar beradi Reuters.

Bayonotda aytilishicha, YeXHT uchuvchisiz uchar qurilmasi 27 oktabr kuni Donetsk va Lugansk «xalq respublikalari» («DXR» va «LXR») tomonidan nazorat qilinadigan hudud uzra urib tushirilgan. Bayonot tuzuvchilari ta'kidlashicha, Rossiyaning hodisaga aloqadorligi bo‘yicha xulosaga monitoring missiyasi tomonidan to‘plangan ma'lumotlar yordamida kelish mumkin.

«Rossiya va u tomonidan qo‘llab-quvvatlanayotgan separatchilar uchuvchisiz uchar qurilmaning urib tushirilishi uchun mas'uldirlar», - deya xabar qilinadi qo‘shma bayonotda.

Rasmiy Moskva Ukraina janubiy-sharqidagi harbiy mojaroga aloqasi borligini rad etib kelmoqda.

Eslatib o‘tamiz, avvalroq YeXHT sobiq vakili Donbassdagi aholi azob-uqubatlarini qanday to‘xtatish mumkinligini tushuntirgandi.