Qirg‘iziston: MDH doirasida ortiqcha savdo to‘siqlarini bartaraf etish lozim

Qirg‘iziston Mustaqil Davlatlar Hamdo‘stligi doirasida ortiqcha savdo to‘siqlari bartaraf etilishini qo‘llab-quvvatlaydi. Bu haqda 2 noyabr kuni Ostona shahrida, MDH Davlat rahbarlari kengashining tor doiradagi yig‘ilishi davomida Qirg‘iziston bosh vaziri Muhammadkaliy Abilg‘oziyev xabar berdi.

U mamlakatlar o‘rtasidagi savdo-iqtisodiy aloqalarni yanada kengaytirishning asosiy vositasi bo‘lgan erkin savdo hududi bo‘yicha shartnoma salohiyatidan to‘liq foydalanish zarurligini ta'kidladi.

«Barchamiz bilamizki, bu sohada katta foydalanilmagan salohiyat mavjud. O‘zaro savdo uchun maksimal qulay shart-sharoitlar yaratish tarafdori bo‘lgan qirg‘iz tomoni himoya choralari miqdori bundan keyin qisqarishi hamda savdoda ortiqcha to‘siqlarni bartaraf etish bo‘yicha ishni davom ettirish kerak, deb hisoblaydi», - deya ta'kidlab o‘tdi Muhammadkaliy Abilg‘oziyev.

Eslatib o‘tamiz, avvalroq Nazarboyev MDH hukumat rahbarlari bilan uchrashgandi.