Dunyodagi ilk suzuvchi atom stansiya ishga tushirildi

Rossiyada suzuvchi atom energoblokining reaktori ishga tushirildi. Bu ma'lumotni atom tarmog‘i vakili tasdiqladi.  

Ta'kidlanishicha, 2 noyabrda “Akademik Lomonosov” suzuvchi energobloki o‘ng bortining reaktor qurilmasi ishga tushirilgan. 

20870-loyihadagi “Akademik Lomonosov” suzuvchi energobloki kichik quvvatli mobil energobloklar seriyasining bosh loyihasi hisoblanadi. U suzuvchi atom issiqlik elektr stansiyasi tarkibida ishlashga mo‘ljallangan va o‘zidan Rossiya atom kemasozligi texnologiyalari asosidagi energiya manbalarining yangi sinfini aks ettiradi.

Energoblok Chekka Shimol va Uzoq Shark hududlarida qo‘llashga mo‘ljallangan va uning asosiy vazifasi chekka sanoat korxonalari, port shaharlari, dengizda joylashgan gaz va neft platformalarini energiya bilan ta'minlashdan iborat. Energoblokni 2019 yil dekabrda ekspluatatsiyaga kiritish rejalashtirilgan. 

Ma'lum qilinishicha, “Akademik Lomonosov” 100 ming aholiga ega shaharni ta'minlashga yetadigan elektr va issiqlik energiyasi ishlab chiqara oladigan 2 ta reaktor qurilmasi bilan jihozlangan.