Kaliforniyadagi yong‘inlar qurbonlari soni 66 nafarga yetdi

Kaliforniyada bir necha kundan beri davom etayotgan o‘rmon yong‘inlari qurbonlari soni 66 nafarga yetdi, 630 dan ko‘proq odam bedarak yo‘qolgan hisoblanmoqda. Bu haqda NBC telekanali xabar berdi.    

Avvalroq 56 kishi halok bo‘lgani va 130 kishi bedarak yo‘qolgani ma'lum qilingandi.

Kaliforniya shimolidagi Camp Fire o‘rmon yong‘ini 8 noyabrda boshlangan va shtat tarixidagi eng vayronkori bo‘ldi. Hozirga kelib u qamrab olgan umumiy maydon 55 ming gektardan oshib ketdi. Yong‘in oqibatida 6,5 ming inshoot vayron bo‘lgan.