Qirg‘izistonliklar Tojikistonda ro‘yxatdan o‘tmasdan 60 kun yurishlari mumkin bo‘ldi

Qirg‘izistonliklar Tojikistonda ro‘yxatdan o‘tmasdan 60 kun yurishlari mumkin. Qirg‘iziston prezidenti Sooronbay Jeenbekov Qirg‘iziston fuqarolarining Tojikistonda bo‘lishlari tartibi to‘g‘risidagi hukumatlararo kelishuvni ratifikatsiyasini imzoladi.

Qonun shu yilning 11 oktabrida Jogorku Kenesh tomonidan qabul qilingandi.

Endilikda Qirg‘iziston fuqarolari Tojikistonda ro‘yxatdan o‘tmasdan 60 kun yurishlari mumkin bo‘ldi. Tojikiston fuqarolari uchun ham Qirg‘izistonda xuddi ana shu tartib o‘rnatiladi.

Eslatib o‘tamiz, joriy yilning 14 mart kuni O‘zbekiston prezidenti Shavkat Mirziyoyev 16 martdan boshlab Tojikiston fuqarolari uchun kelishuv amal qilishi to‘g‘risidagi qarorga imzo chekdi. Hujjatga ko‘ra, ikki mamlakat fuqarolari 30 kun davomida davlatlar hududida vizasiz bo‘lishi mumkin.