Pokistonda bir kun ichida 2-terakt amalga oshirildi  

Pokistonda 23 noyabrda ikkita terakt amalga oshirildi. Karachida Xitoy konsulligiga 3 hudkushning hujumi bilan deyarli bir vaqtda Xangu shahrida kun ichidagi ikkinchi terakt amalga oshirildi. Ushbu terakt oqibatida kamida 35 kishi halok bo‘lgan, 40 dan ko‘proq kishi yaralangan.  

Pokiston xavfsizlik kuchlari ma'lumotlariga ko‘ra, terrorchi-xudkush shahardagi madrasalardan biri yonida portlovchi qurilmani harakatga keltirgan.

Guvohlarning aytishicha, terrorchi olomon orasiga mototsiklda kirib borib, keyin o‘zini portlatgan. Voqea joyi o‘rab olingan.