Tashqi ishlar vazirligida yangi lavozim tayinlovi ro‘y berdi

Tashqi ishlar vazirligi tuzilmasida yangi lavozim tayinlovi amalga oshirildi. Bu haqda vazirlik matbuot xizmati xabar bermoqda.

Qayd etilishicha, Iqboljon Soliyev Tashqi ishlar vazirligi Tashqi iqtisodiy hamkorlik bosh boshqarmasining Turizmni rivojlantirish sohasida xalqaro hamkorlik boshqarmasi boshlig‘i vazifasini bajaruvchisi etib tayinlandi.

I.Soliyev bunga qadar Ikki tomonlama hamkorlik bosh boshqarmasining Yevropa mamlakatlari va YeI institutlari bilan hamkorlik boshqarmasi bo‘limi boshlig‘i lavozimida ishlagan.

Eslatib o‘tamiz, avvalroq TIVning xalqaro shartnomalar bo‘yicha monitoring mexanizmi kengaytirilishi xabar berilgandi.