Farg‘onada ayol tadbirkor fuqaroni 270 mln so‘mga «uxlatdi»

Farg‘ona viloyatining Uchko‘prik tumanida 3 dekabr kuni O‘zbekiston tumanida yashovchi E.M. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U shu yil 10 noyabr kuni Uchko‘prik tumani hududida tanishi tadbirkor F.N. (ayol) umumiy qiymati 270 mln 808 ming so‘mlik kalish oyoq kiyimlarini olib, pulini 3 kun ichida olib kelishini aytib, aldov yo‘li bilan ishonchiga kirib, pullarini shu kunga qadar bermayotganligini ma'lum qilgan.

Ko‘rilgan choralar natijasida F.N. ushlangan.

Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.