Bloomberg: Trampning yangi qarori fojiali qadamga aylanishi mumkin

AQSh prezidenti Donald Tramp Federal zaxira tizimi rahbari Jyerom Pauellni iste'foga chiqarish imkoniyatini o‘rganmoqda. Bu haqda Bloomberg xabar qildi.

Agentlik manbalari so‘ziga ko‘ra, idora asosiy foiz stavkasini ko‘targanidan so‘ng, Qo‘shma Shtatlar prezidentining FZT rahbaridan hafsalasi pir bo‘lgan.

Shu bilan birga, nashr ma'lumotlariga ko‘ra, Trampning maslahatchilari u Pauellga qarshi chiqishi mumkin ekaniga ishonmayapti. Ularning umid bildirishicha, prezident bayramlar paytida o‘z qaroridan qaytadi. Maslahatchilar taxminicha, FZT rahbarining ishdan bo‘shatilishi «fojiali qadam» bo‘ladi.

Avvalroq, Jyerom Pauell Buyuk Britaniyaning Yevropa ittifoqidan chiqishi Amerika iqtisodiyotiga qanday ta'sir ko‘rsatishi haqida gapirgandi.

Eslatib o‘tamiz, bundan avval AQSh hukumati ishni qisman to‘xtatgani, Tramp bunga izoh bergani xabar qilingandi.