Qirg‘iziston fuqarolaridan Qozog‘istonga avtomobilda bormay turish so‘raldi

Qirg‘iziston o‘z fuqarolarini Qozog‘istonga avtotransportda bormay turishini so‘radi. Bu haqda mamlakat tashqi ishlar vazirligi saytida aytilmoqda.

"Qirg‘iziston Respublikasining elchixonasi fuqarolarga Qozog‘iston Respublikasiga avtomobil transportida safar qilmay turishni tavsiya etadi", deyiladi Qirg‘iziston TIV xabarida.

Xabarda bunga Qozog‘istonda ob-havoning keskin sovib ketishi sabab qilib ko‘rsatilgan.

Ma'lum qilinishicha, 21-22 dekabr kunlari Qozog‘istonning ayrim hududlarida 40 darajagacha sovuq bo‘ladi.