Ukraina birinchi prezidenti mamlakatning YeIga kirish muddatini ma'lum qildi

Ukraina birinchi prezidenti Leonid Kravchukning ma'lum qilishicha, Ukraina Yevropa ittifoqiga a'zo bo‘lishi uchun 10 yil kerak bo‘ladi. Bu haqda RT xabar qilmoqda.

«Mening fikrimcha, Yevropa ittifoqiga a'zo bo‘lish uchun 10 yilgacha vaqt kerak bo‘ladi», - dedi Kravchuk.

Uning so‘zlariga ko‘ra, shu yo‘lni bosib o‘tish uchun Ukraina islohotlarni amalga oshirishi, korrupsiyani bartaraf etishi va investitsiyalar uchun texnologik hamda investitsion sharoitlarni yaratishi kerak.

Eslatib o‘tamiz, avvalroq Britaniya OAV Rossiya va Ukraina o‘rtasidagi «uchinchi jahon urushi» haqida yozgandi.