Oq uy: Tramp Suriya bo‘yicha qarorini bekor qilmaydi

Foto: REUTERS

Oq uy xodimlari apparati rahbari vazifasini vaqtincha bajaruvchi Mik Malvenining ma'lum qilishicha, AQSh prezidenti Donald Tramp Suriyadan qo‘shinlarni olib chiqish to‘g‘risidagi qarorini bekor qilmaydi. Bu haqda TASS xabar bermoqda.

Uning so‘zlariga ko‘ra, Tramp boshidan «Suriya Arab Respublikasida qo‘shinlarni abadiy saqlab qolishni» istamasligi haqida ma'lum qilgan.

Shuningdek, uning qo‘shimcha qilishicha, AQSh prezidentining qarori ushbu masala bo‘yicha ikki yillik ish natijasi hisoblanadi.

Eslatib o‘tamiz, avvalroq AQSh Suriyadan transport va texnikani olib chiqib ketayotgani xabar berilgandi.

Tayyorlagan: Отабек Матназаров

#Suriya #Donald Tramp

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.