AQSh Suriyadan transport va texnikani olib chiqib ketmoqda

Amerikaga qarashli yuk mashinalari Suriyani tark etmoqda, deb xabar berdi «Anadolu».

Vashington Suriyadan AQSh qo‘shinlari olib chiqilishi haqida e'lon qilganidan ko‘p o‘tmay, Iroqqa Amerikaning o‘nlab yuk mashinalari kirib keldi.

Mahalliy manbalar xabariga ko‘ra, AQShning ushbu qaroridan keyin butun tun davomida Suriya-Iroq chegarasida faollik kuzatilgan.

Amerika yuk mashinalari 19 dekabr soat 23:00da Suriya-Iroq chegarasi tomon yo‘l olgan.

Agar avval qurol yuk mashinalar kuzovidan tushirilgandan keyin brezent olib tashlangan bo‘lsa, hozir transportning bir qismi Iroqqa qisman yopiq usti bilan yo‘l oldi.

Yuk mashinalar kolonnasi tungi vaqtda chegaraga yo‘l olib, aholi punktlari elektr ta'minotidan o‘chiriladigan vaqtni tanlashgan.

Ayrim yuk avtomobillarga qurilish texnikasi va minasizlashtirish bo‘yicha uskunalar yuklangan.

Avvalroq, OAV Amerika Qo‘shma Shtatlari Suriyadan ikki ming askarini olib chiqish niyatida ekanini ma'lum qilgandi.

Eslatib o‘tamiz, bundan avval AQSh Suriyadan harbiylarini olib chiqishni boshlagani xabar qilingandi. 

Shu bilan birgalikda, rasmiy Vashington IShID ustidan g‘alaba koalitsiyaning tugatilishini anglatmasligini qo‘shimcha qilgan.

AQSh prezidenti ma'muriyati vakili so‘zlariga ko‘ra, AQSh Suriyadagi kampaniyaning yangi fazasiga o‘tmoqda.