Putin Rossiyada roumingni bekor qilish haqidagi qonunni imzoladi

Vladimir Putin Rossiyada tarmoq ichidagi va milliy roumingni bekor qilish to‘g‘risidagi qonunni imzoladi.

Avvalroq qonun loyihasi Rossiya davlat dumasi va federatsiya kengashi tomonidan ma'qullangandi. Qonun 2019 yil 1 iyundan kuchga kiradi.

Qonun kuchga kirgan kundan boshlab Rossiyadagi uyali aloqa kompaniyalari abonentlari boshqa regionga borganida yoki safar chog‘ida boshqa operatorga ulanganida, mobil aloqa uchun mahalliy tarmoqdagi tarif bo‘yicha haq to‘laydi. Shuningdek, kirish qo‘ng‘iroqlarining bepul bo‘lishi qonun bilan mustahkamlab qo‘yildi.