«Tolibon» delegatsiyasi tinchlik muzokaralari o‘tkazish uchun Eronga keldi

«Tolibon» harakati delegatsiyasi tinchlik muzokaralari o‘tkazish uchun Eronga keldi, deb xabar berdi Tasnim agentligi.

TOLONews telekanalining xabar berishicha, muzokaralarda Eron tomonidan ushbu mamlakat tashqi ishlar vaziri o‘rinbosari Abbos Arakchi ishtirok etmoqda.

Telekanalning bildirishicha, «Tolibon» harakati hozircha muzokaralar o‘tkazilayotganini tasdiqlamagan.

Avvalroq Eron oliy xavfsizlik kengashi kotibi Ali Shamxoniy Tehron Afg‘onistondagi xavfsizlik masalasini barqarorlashtirish bo‘yicha «Tolibon» bilan muzokara o‘tkazayotganini ma'lum qilgandi.