«Толибон» делегацияси тинчлик музокаралари ўтказиш учун Эронга келди

«Толибон» ҳаракати делегацияси тинчлик музокаралари ўтказиш учун Эронга келди, деб хабар берди Tasnim агентлиги.

TOLONews телеканалининг хабар беришича, музокараларда Эрон томонидан ушбу мамлакат ташқи ишлар вазири ўринбосари Аббос Аракчи иштирок этмоқда.

Телеканалнинг билдиришича, «Толибон» ҳаракати ҳозирча музокаралар ўтказилаётганини тасдиқламаган.

Аввалроқ Эрон олий хавфсизлик кенгаши котиби Али Шамхоний Теҳрон Афғонистондаги хавфсизлик масаласини барқарорлаштириш бўйича «Толибон» билан музокара ўтказаётганини маълум қилганди.