OAV: AQSh Yaponiyaning Okinava orolida reaktiv raketa tizimini joylashtirmoqchi 

AQSh qurolli kuchlari Yaponiyaning Okinava prefekturasida HIMARS raketadan o‘t ochish tizimini joylashtirish va yil davomida ulardan foydalanib mashg‘ulotlar o‘tkazishni rejalashtirmoqda. Bu haqda Sankei Shimbun gazetasi xabar berdi.

Ma'lum qilinishicha, tizimni o‘rnatishda ta'sir doirasi 300 kilometrgacha bo‘lgan ATACMS  taktik ballistik raketalaridan foydalaniladi. Ulardan kema va yerusti nishonlariga zarba berishda qo‘llaniladi.  

Nashrning qayd etishicha, ushbu tizimni joylashtirishdan maqsad keyingi yillarda dengizdagi faolligini kengaytirgan Xitoyga qarshi turishdir. Bundan tashqari, tizim Yaponiya mudofaa kuchlariga chegaralar xavfsizligini ta'minlashda yordam berishi ko‘zda tutilmoqda. Ayni paytda Yaponiya mudofaa kuchlari ixtiyoridagi raketalarning ta'sir doirasi 200 kilometrni tashkil qiladi.