Oq uy devor qurilishi qachon boshlanishini ma'lum qildi

AQSh prezidenti Donald Tramp Meksika bilan chegarada devor qurishni uch hafta ichida boshlash niyatida.

Bu haqda tvitterdagi sahifasida Oq uy matbuot kotibi Sara Sanders ma'lum qildi.

«21 kundan so‘ng prezident devor qurishni boshlaydi. Bu demokratlar bilan yoki ularsiz ro‘y beradi», - deya yozgan u.

Avvalroq, Donald Tramp hukumat ishini vaqtincha davom ettirish imkoniyati uch hafta, ya'ni 15 fevralgacha borligi haqida e'lon qildi. Shatdaun 34 kun davom etdi. 

Eslatib o‘tamiz, avvalroq Tramp shatdaun bo‘yicha ultimatum qo‘ygandi.