Xitoy aviakompaniyalari uchuvchilariga ichki reyslarda uchuvchilar kabinasida chekish taqiqlab qo‘yildi. Bu haqda Daily Mail nashri ma'lum qildi.
Bu taqiqlov xalqaro reyslarda 20 yildan beri mavjud, endi esa u ichki reyslarga ham tatbiq qilindi.
Xitoy fuqarolik aviatsiyasi samolyot salonida chekishga taqiqlovni 2017 yil oktyabrda kiritgan, biroq uchuvchilar kabinasida chekishga taqiqlovni 2 yildan keyin joriy qilish rejalashtirilgandi.
Muddatdan avval taqiqlovni kiritish qarori Hongkongdan Dalyanga amalga oshiriluvchi reyslardan biridagi hodisadan keyin qabul qilingan. Samolyotning ikkinchi uchuvchisi kabinada chekkan elektron sigaret hidini yashirish maqsadida samolyotda shamollatish tizimini yoqqan. Buning natijasida salonda kislorod darajasi tushib ketgan, bu esa favqulodda ogohlantirish tizimining ishlashi va kislorod niqoblarining tashlanishiga olib kelgan. Oqibatda uchuvchilar samolyotni 10 daqiqa ichida 7600 metrga, ya'ni 3 ming metrgacha pastlatishlariga to‘g‘ri kelgan.
