Pokiston vs Hindiston. Islomobod o‘z elchisini chaqirtirib oldi

Foto: Faisal Mahmood/Reuters

Pokiston Tashqi ishlar vazirligi rasmiy vakili Muhammad Faysalning xabar berishicha, mamlakat tashqi siyosat idorasi maslahatlashuvlar uchun Hindistondan o‘z elchisini vaqtinchalik chaqirtirib olishga qaror qildi. Bu haqda RIA «Novosti» xabar bermoqda.

Uning so‘zlariga ko‘ra, bu Hindistonda sodir bo‘lgan terakt fonida ikki mamlakat o‘rtasidagi munosabatlarda yuzaga kelgan keskinlik bilan bog‘liq.

«Biz Hindistondan elchimizni maslahatlashuvlar uchun chaqirtirib oldik. U bugun ertalab Nyu-Dehlini tark etdi», - deya ma'lum qilgan Faysal.

Eslatib o‘tamiz, avvalroq Hindiston Pokistonni butunlay yakkalatib qo‘yishga qaror qilgani xabar berilgandi.

Hindiston Moliya vazirligi rahbari Arun Jyetli so‘zlariga ko‘ra, Hindiston Jammu va Kashmir shtatida yuz bergan, 44 nafar harbiy xizmatchining o‘limiga olib kelgan portlashdan keyin Pokistonni butunlay yakkalatib qo‘yishga qaror qildi.

Tayyorlagan: Отабек Матназаров

#Hindiston #Pokiston

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.