Tramp Rossiya Venesueladan ketishi kerakligini aytdi

AQSh prezidenti Donald Tramp Rossiya Venesueladan ketishi kerakligini va buning uchun barcha vositalar ko‘rib chiqilayotganini aytdi. Bu haqda RIA Novosti xabar bermoqda.

"Rossiya ketishi kerak", - degan Tramp Venesueladagi vaziyatga izoh berarkan. Uning so‘zlariga ko‘ra, bunga erishish uchun Amerika ma'muriyatiga "barcha variantlar ochiq".

AQShda 1823 yildan buyon Monro doktrinasi amalda bo‘lib, unga ko‘ra, Shimoliy va Janubiy Amerikada AQShning alohida manfaatlari mavjud. Unga muvofiq, AQSh har ikki Amerikada Yevropa va boshqa davlatlarning ehtimoliy ta'siriga qarshilik qilishi shart. AQSh Kuba, Salvador, Grenada, Meksika, Peru, Venesuela va boshqa davlatlarning ishlariga aralashuvini ana shu doktrina bilan izohlagan.

Tayyorlagan Дилшод Аскаров

#Rossiya #Venesuela #Tramp

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi