Xalqaro festivalda 5 yoshli baxshi ham ishtirok etmoqda

Surxondaryoda o‘tayotgan baxshichilik festivalining eng yosh baxshisi — 5 yoshda, deb xabar bermoqda Kun.uz muxbiri.

Termiz shahrida o‘tkazilayotgan  I Xalqaro baxshichilik san'ati festivalining eng yosh baxshisi sifatida tomoshabinlar e'tiboriga tushgan G‘olibjon Oribov do‘mbira chertib, qo‘shiq aytishni qoyillatmoqda. 

Asli muzrabotlik G‘olib baxshi «baxshilik» yo‘nalishining 1-sinf o‘quvchisi, shu yo‘nalishda ta'lim berayotgan Mahammad Baxshi Eshboyevdan baxshilik san'atining sir-sanoatlarini o‘rganib kelyapti. 

YuNeSKO shafeligi ostida Surxon vohasi, Termiz shahrida o‘tkazilayotgan birinchi Xalqaro baxshichilik san'ati festivalida 20ta davlatdan 57 nafar ijrochi, xalqaro tashkilotlar, shuningdek, Afg‘oniston, Turkiya, Tojikiston, Quvayt va boshqa davlatlardan faxriy mehmonlar ishtirok etish kutilmoqda.