Kim Chen In Rossiyaga kelishni orzu qilgani haqida gapirdi

KXDR yetakchisi Kim Chen In azaldan Rossiyaga tashrif buyurish orzusi bo‘lganligi haqida so‘zlab berdi. Bu haqda u Primore o‘lkasidagi Xasan stansiyasiga to‘xtalganida bildirgan.

Uning so‘zlariga qaraganda uzoq vaqtdan beri Rossiyaga kelishni orzu qilgan, ammo davlat rahbarligini boshlaganidan so‘ng yetti yil o‘tganidan keyingina bunday imkoniyat tug‘ilgan.

«Tez orada yana mamlakatingizga tashrif buyurishga umid qilaman», – degan u yig‘ilganlarga qarata.

Kim Chen In KXDR va Rossiya o‘rtasidagi o‘zaro munosabatlarni yanada mustahkamlash niyatida ekanligini bildirgan.

Vladimir Putin 25 aprel kuni KXDR rahbari bilan uchrashish uchun Vladivostokka yetib keladi. Shundan so‘ng Rossiya prezidenti «Bir makon, bir yo‘l» ikkinchi xalqaro forumida ishtirok etish uchun Xitoyga yo‘l oladi.