КХДР етакчиси Ким Чен Ин азалдан Россияга ташриф буюриш орзуси бўлганлиги ҳақида сўзлаб берди. Бу ҳақда у Приморье ўлкасидаги Хасан станциясига тўхталганида билдирган.
Унинг сўзларига қараганда узоқ вақтдан бери Россияга келишни орзу қилган, аммо давлат раҳбарлигини бошлаганидан сўнг етти йил ўтганидан кейингина бундай имконият туғилган.
«Тез орада яна мамлакатингизга ташриф буюришга умид қиламан», – деган у йиғилганларга қарата.
Ким Чен Ин КХДР ва Россия ўртасидаги ўзаро муносабатларни янада мустаҳкамлаш ниятида эканлигини билдирган.
Владимир Путин 25 апрель куни КХДР раҳбари билан учрашиш учун Владивостокка етиб келади. Шундан сўнг Россия президенти «Бир макон, бир йўл» иккинчи халқаро форумида иштирок этиш учун Хитойга йўл олади.
