Afg‘onistonda toliblar hujumi natijasida kamida 40 kishi halok bo‘ldi

Afg‘onistonning bir nechta viloyatida “Tolibon” harakati hujumlari oqibatida o‘tgan to‘rt kun ichida kamida 40 kishi halok bo‘ldi, 21 kishi jarohatlandi. Bu haqda Khaama Press agentligi xabar bermoqda.

"Oxirgi to‘rt kun ichida toliblar tinch aholi orasida qator qurbonlar bo‘lishiga sababchidir. Ular ichida ayollar va bolalar bor", - deyiladi agentlikning kuch tuzilmasidagi manbasiga tayanib bergan xabarida.

Khaama Press agentligining qayd etishicha, Xost viloyatida besh kishi, Bog‘lon viloyatida ham besh kishi qurbon bo‘lgan. G‘ilmind viloyatida to‘rt kishi va Nangarxor viloyatida olti kishi yaralangan.Faryob viloyatida uch kishi halok bo‘lgan, ikki kishi jarohatlangan. Hirotda esa yetti kishi halok bo‘lgan, yetti kishi jarohatlangan. G‘or viloyatida esa qurbonlar soni 20 kishini tashkil etgan.