Афғонистонда толиблар ҳужуми натижасида камида 40 киши ҳалок бўлди

Афғонистоннинг бир нечта вилоятида “Толибон” ҳаракати ҳужумлари оқибатида ўтган тўрт кун ичида камида 40 киши ҳалок бўлди, 21 киши жароҳатланди. Бу ҳақда Khaama Press агентлиги хабар бермоқда.

"Охирги тўрт кун ичида толиблар тинч аҳоли орасида қатор қурбонлар бўлишига сабабчидир. Улар ичида аёллар ва болалар бор", - дейилади агентликнинг куч тузилмасидаги манбасига таяниб берган хабарида.

Khaama Press агентлигининг қайд этишича, Хост вилоятида беш киши, Боғлон вилоятида ҳам беш киши қурбон бўлган. Ғилминд вилоятида тўрт киши ва Нангархор вилоятида олти киши яраланган.Фарёб вилоятида уч киши ҳалок бўлган, икки киши жароҳатланган. Ҳиротда эса етти киши ҳалок бўлган, етти киши жароҳатланган. Ғор вилоятида эса қурбонлар сони 20 кишини ташкил этган.