Huawei’ning AQSh sanksiyalaridan ko‘radigan zarari ma'lum qilindi

Yaqin ikki yil ichida Huawei daromadi 30 milliard dollarga qisqaradi, deb ma'lum qildi kompaniya asoschisi Jen Chjenfey.

Uning so‘zlariga ko‘ra, AQSh hukumatining kompaniyani qora ro‘yxatga kiritish to‘g‘risidagi qarori sababli kelgusi ikki yil davomida ishlab chiqarishni qisqartirishga to‘g‘ri keladi.

16 may kuni AQSh savdo vazirligi Xitoyning Huawei kompaniyasi va uning 70ta filialini qora ro‘yxatga kiritdi. Keyinroq Google, Intel, Qualcomm, Xilinx va Broadcom kompaniyalari Xitoy kompaniyasi bilan hamkorlikni to‘xtatganini ma'lum qildi. Shuningdek, Britaniyaning ARM korporatsiyasi ham ular safiga qo‘shildi.