Zelenskiy Poroshenkoni urushni tugatishni istamaganlikda aybladi

Ukraina prezidenti Vladimir Zelenskiy avvalgi hokimiyat Donbassdagi urushni tugatishni istamaganiga ishonchi komilligini aytdi.  

“Fikrimcha, urushni to‘xtatishni istasang, albatta uni to‘xtatasan. Ishonchim komilki, avvalgi hokimiyat buni qilishni istamagan. Men ular nima uchun buni istashmagani, nima uchun tormozlashganining sababi, sharoitlarini bilmayman. Vaholanki, ular Rossiya prezidenti bilan ko‘p muloqot qilishgan”, deb aytgan Zelenskiy YouTube’dagi kanalida joylashtirgan videoda.