Зеленский Порошенкони урушни тугатишни истамаганликда айблади

Украина президенти Владимир Зеленский аввалги ҳокимият Донбассдаги урушни тугатишни истамаганига ишончи комиллигини айтди.  

“Фикримча, урушни тўхтатишни истасанг, албатта уни тўхтатасан. Ишончим комилки, аввалги ҳокимият буни қилишни истамаган. Мен улар нима учун буни исташмагани, нима учун тормозлашганининг сабаби, шароитларини билмайман. Ваҳоланки, улар Россия президенти билан кўп мулоқот қилишган”, деб айтган Зеленский YouTube’даги каналида жойлаштирган видеода.