Xitoy va AQSh o‘rtasidagi savdo muzokaralari muddatidan avval yakunlandi

Foto: REUTERS

Shanxayda boshlangan Xitoy-AQSh savdo muzokaralari muddatidan avval nihoyasiga yetdi. Bu haqda Bloomberg agentligi xabar berdi.

Xabarda aytilishicha, savdo vakili Robert Laytxayzer va moliya vaziri Stiven Mnuchin boshchiligidagi Amerika delegatsiyasi majlislar zalidan chiqib, xitoylik hamkasblari bilan suratga tushgan va aeroport tomon yo‘l olgan.

Shu bilan birga, AQSh prezidenti Donald Tramp xitoyliklar Amerika qishloq xo‘jalik mahsulotlarini sotib olishni istamayotganliklarini aytib Xitoyni tanqid qildi.

Muzokaralarning avvalgi raundi Vashingtonda bo‘lib o‘tgan va samarasiz yakunlangandi.