Texasdagi otishmada o‘n kishi halok bo‘ldi, o‘ttiz kishi jarohatlandi

Texasdagi Walmart savdo markazida sodir bo‘lgan otishmada o‘n kishi halok bo‘ldi, kamida o‘ttiz kishi jarohatlandi. Bu haqda jurnalist Kamilla Rambaldi xabar berdi.

El Paso shahri politsiyasi savdo markazida otishma sodir etganlardan birini qo‘lga oldi. Avvalroq jinoyatchilar bir necha kishi bo‘lishi mumkinligi xabar qilingandi.

"Otishma to‘xtadi, ammo xavf saqlanib qolmoqda. Odamlarimiz operatsiya o‘tkaziladigan hududni o‘rab olishgan. Hozirda hech kim savdo markaziga kelmagani ma'qul", - dedi mahalliy politsiya vakili Fox kanaliga bergan intervyusida.

Ijtimoiy tarmoqlarda tarqalgan lavhalarga ko‘ra, qurbon va yaradorlar savdo markazi ichida ham, tashqarisida ham bor.