Hindiston elchisi Islomobod qarori sababli Hindistonga qaytdi

Hindistonning Pokistondagi elchisi Ajay Bisariya Kashmir maqomi o‘zgartirilishi sababli Islomobod ikki tomonlama munosabatlar darajasini pasaytirishga qaror qilgandan bir necha kun o‘tib Nyu-Dehliga qaytdi. Bu haqda NDTV telekanali manbalarga iqtibos keltirgan holda xabar berdi. 

Manbalar so‘zlariga ko‘ra, Bisariya Pokiston Hindistonning diplomatik munosabatlarni pasaytirish qarorini qayta qo‘rib chiqish iltimosiga quloq solmagach vataniga qaytgan. Elchi Islomobodni 10 avgustda tark etib, Nyu-Dehliga Dubay orqali yetib kelgan.

Pokiston va Hindiston o‘rtasidagi munosabatlarda hind hukumatining Jammu va Kashmir shtatini tugatib, uning o‘rniga ikkita ittifoqdosh hudud tashkil etish qarori sababli keskinlik yuzaga kelgandi. Islomobod bu qarorni qoralagan.

Shu sababli Pokiston hukumati 7 avgustda Hindiston elchisini chiqarib yuborish qarorini qabul qilgan.