Ispaniya sohillarida bir sutkada 200dan ortiq migrant qutqarib qolindi

Ispaniya sohillarida 200dan ortiq noqonuniy migrantlar qutqarib qolindi, deb xabar berdi COPE radiostansiyasi.

Xabarda aytilishicha, qutqaruv xizmatiga qarashli ikkita patrul kemasi Alboran dengizida jami 219 nafar migrant bo‘lgan uchta qayiqni shatakka olgan.

Qayd etilishicha, keyinroq 142 nafar migrant Malaga portiga, 77 migrant Almeriya portiga olib ketilgan.

Manbaning xabariga ko‘ra, barcha migrantlar Afrika mamlakatlari fuqarolari hisoblanishadi.