AQShda 60dan ko‘proq mashinaning to‘qnashuvida o‘nlab odamlar jabrlandi

22 dekabr ertalab AQShning Virginiya shtatida 60 dan ko‘proq mashina to‘qnashib ketishi oqibatida 35 kishi jabrlandi, deb xabar berdi Associated Press axborot agentligi. 

Ma'lum qilinishicha, to‘qnashuv Virginiya orqali o‘tuvchi avtomagistralda yuz bergan. Yo‘l-transport hodisasi sababli ikki yo‘nalish bo‘yicha harakat to‘xtab qolgan. Ayni vaqtda bir yo‘nalishda qatnov ochilgan. Ta'kidlanishicha, to‘qnashuv yuz bergan hududda tuman va yaxvonlik bo‘lgan.

Politsiyaning ma'lum qilishicha, hammasi bo‘lib 63 ta avtomobil to‘qnashib ketgan. Jabrlanuvchilar shifoxonaga yetkazilgan, ulardan ba'zilarining ahvoli og‘ir. Halok bo‘lganlar haqida ma'lumot berilmagan.