Eron Trampni sudga berishni rejalashtirmoqda

Eron oliy sudi raisi Ibrohim Raisiy

Tehron general Qosim Sulaymoniyni o‘ldirishga buyruq bergan AQSh prezidenti Donald Trampni sudga bermoqchi. Bu haqda Eron oliy sudi raisi Ibrohim Raisiy ma'lum qildi.

Uning aytishicha, Tramp xalqaro maydonda sudlanishi lozim.

“Qonunbuzarlik ta'qib qilinadi. Biz AQSh prezidentini bosh ayblanuvchi sifatida chaqirishimiz lozim. Biz buni shunday qoldirmaymiz, u xalqaro maydonda sudlanishi kerak”, deb aytgan Raisiy.

Islom inqilobi muhofizlari korpusining “Al-Quds” maxsus bo‘linmasi qo‘mondoni Qosim Sulaymoniy 3 yanvarga o‘tar kechasi Bag‘dod aeroporti yaqinida o‘ldirilgandi. Sulaymoniyni o‘ldirishga buyruqni Donald Tramp bergan.

Tayyorlagan Шуҳрат Раҳимов

#Eron #Donald Tramp

Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.