Эрон Трампни судга беришни режалаштирмоқда

Эрон олий суди раиси Иброҳим Раисий

Теҳрон генерал Қосим Сулаймонийни ўлдиришга буйруқ берган АҚШ президенти Дональд Трампни судга бермоқчи. Бу ҳақда Эрон олий суди раиси Иброҳим Раисий маълум қилди.

Унинг айтишича, Трамп халқаро майдонда судланиши лозим.

“Қонунбузарлик таъқиб қилинади. Биз АҚШ президентини бош айбланувчи сифатида чақиришимиз лозим. Биз буни шундай қолдирмаймиз, у халқаро майдонда судланиши керак”, деб айтган Раисий.

Ислом инқилоби муҳофизлари корпусининг “Ал-Қудс” махсус бўлинмаси қўмондони Қосим Сулаймоний 3 январга ўтар кечаси Бағдод аэропорти яқинида ўлдирилганди. Сулаймонийни ўлдиришга буйруқни Дональд Трамп берган.

Тайёрлаган: Шуҳрат Раҳимов

#Эрон #Дональд Трамп

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.