Eronning ayrim hududlarida koronavirus sababli o‘quv muassasalari yopildi
Eron madaniyat vazirligi 28 fevralgacha butun mamlakat bo‘yicha madaniy dasturlar bekor qilinganligini ma'lum qildi.
Eronning koronavirus aniqlangan qator hududlarida, jumladan butun Qum viloyatida kasallik tarqalishiga yo‘l qo‘ymaslik maqsadida o‘quv muassasalari yopib qo‘yildi.
Koronavirusga chalinish holatlari birinchi bo‘lib aniqlangan va kasallikka chalinganlar eng ko‘p bo‘lgan Qum viloyati hokimiyati maktab va universitetlarni ikki kunga – yakshanba va dushanba kunlari yopishga qaror qildi.
Markaziy viloyatida esa maktablarni bir haftaga yopishga qaror qilindi.
IRIB teleradiokompaniyasi G‘ilon viloyatidagi maktablar chorshanbagacha, Guliston viloyatida esa yakshanba va dushanba kunlari yopilishini xabar qildi.
Eron madaniyat vazirligi 28 fevralgacha butun mamlakat bo‘yicha madaniy dasturlar bekor qilinganligini ma'lum qildi.
Ayni paytgacha Eronda koronavirusga chalinish bilan bog‘liq 28ta holat qayd etilgan bo‘lib, ulardan beshtasi o‘lim bilan tugagan. Mamlakat sog‘liqni saqlash vazirligining ma'lumotiga ko‘ra, kasallikka chalinganlar asosan Qum viloyatida istiqomat qiladi yoki bu yerda bo‘lgan.
Mavzuga oid
21:46 / 05.10.2024
Tramp Isroil Eronning yadroviy obektlariga zarba berishi kerakligini aytdi
21:17 / 05.10.2024
Isroil armiyasi Eronga «jiddiy va salmoqli» javob tayyorlayotganini ma’lum qildi
23:01 / 04.10.2024
Eron oliy rahbari Yaqin Sharqni Isroilga qarshi isyon ko‘tarishga chaqirdi
19:36 / 04.10.2024