«Amilee bahora» xususiy bandlik agentligi litsenziyasi bekor qilindi

«Bandlik va mehnat munosabatlari vazirligi O‘zbekiston Respublikasi Vazirlar Mahkamasining 2018 yil 12 sentyabrdagi qarori bilan tasdiqlangan «O‘zbekiston Respublikasidan tashqarida ish izlayotgan shaxslarni ishga joylashtirish bo‘yicha faoliyatini litsenziyalash tartibi to‘g‘risida»gi Nizomda belgilangan talablarga binoan, «Amilee bahora» MChJ litsenziyasini bekor qilish to‘g‘risida qaror qabul qildi», deyiladi vazirlik xabarida.

2019 yil dekabrida Kun.uz saytida bosh ofisi Samarqand shahrida joylashgan «Amilee bahora» xususiy bandlik agentligi faoliyatidan norozi bo‘lgan fuqarolar shikoyati asosida surishtiruv e'lon qilingandi.

Materialda, fuqarolar xorijda ishlash uchun ushbu agentlikka 25-30 mln so‘mga qadar pul to‘lagani, xorijda na va'da qilingan ishga, na maoshga ega bo‘la olmagan ko‘pchilikni tashkil etayotgani haqida xabar qilingan edi.