Surxondaryo va Farg‘onada PPXga yangi boshliqlar tayinlandi

Surxondaryo viloyati va Farg‘ona viloyatida Patrul-post xizmati va jamoat tartibini saqlash boshqarmasiga yangi rahbarlar tayinlandi

Ichki ishlar vazirligi tizimida yangi lavozim tayinlovlari amalga oshirildi

Xususan, podpolkovnik Shuhrat Jovliyevich Sattorov Surxondaryo viloyati IIB, Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.

Tayinlovga qadar Sh.Sattorov, Surxondaryo viloyati IIB, Jarqo‘rg‘on tumani IIB boshlig‘i o‘rinbosari lavozimida faoliyat yuritgan.

Podpolkovnik Ilhom Vahobovich Soipov Surxondaryo viloyati IIB, Yo‘l harakati xavfsizligi boshqarmasi boshlig‘i lavozimiga tayinlandi.

Tayinlovga qadar I.Soipov, Surxondaryo viloyati IIB, Yo‘l harakati xavfsizligi boshqarmasi boshlig‘ining birinchi o‘rinbosari - yo‘l-patrul xizmati otryadi komandiri lavozimida faoliyat yuritgan.

Polkovnik Ilhom Abdumutalifovich Ergashev Farg‘ona viloyati IIB, Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.

Tayinlovga qadar I.Ergashev, Farg‘ona viloyati IIB, Huquqbuzarliklar profilaktikasi boshqarmasi boshlig‘i lavozimida faoliyat yuritgan.

Bundan oldin, IIV tizimida 11ta lavozim tayinlovi amalga oshirilgandi.