Germaniya Fransiya, Avstriya va Shveytsariya bilan chegaralarni yopadi

Germaniya 16 martdan Fransiya, Avstriya va Shveytsariya bilan chegaralarni yopadi. Bunga nafaqat koronavirus tarqalishini to‘xtatish, balki xorijliklar tomonidan Germaniyada oziq-ovqat mahsulotlari va birinchi ehtiyojdagi buyumlarning ommaviy ravishda sotib olinishi oldini olish sabab hisoblanadi.

Foto: EPA

Bu haqda o‘z manbalariga tayanib Bild nashri xabar berdi.

Ma'lum qilinishicha, ushbu qaror Germaniya kansleri Angela Merkel, ichki ishlar vaziri Xorst Zeyexofer, Bavariya, Balen-Vyurtemberg va Saar yeri bosh vazirlari o‘rtasidagi telefon suhbati natijasiga ko‘ra qabul qilingan.

Ma'lum qilinishicha, ushbu qaror 16 mart soat 8dan kuchga kiradi. Chegarani kesib o‘tishga faqat yuk transporti va bir davlatda yashab, ikkinchi davlatda ishlaydiganlarga ruxsat beriladi.

Ma'lum qilinishicha, chegaralarda do‘konlarning “ishg‘ol qilinishi” bilan bog‘liq holda kelib chiqqan sarosima mahsulotlar yetkazib berishda muammolarga olib kelgan.

Avvalroq Merkel mutaxassislar ma'lumotlariga tayanib koronavirusga qarshi emlash va tegishli davolash bo‘lmasa, Germaniya aholisining 60-70 foizi virusga chalinishi mumkinligini aytgan.