Manba: Koronavirus tufayli O‘zbekistondagi barcha bog‘chalar vaqtincha yopiladi

16 martdan boshlab O‘zbekistondagi barcha maktabgacha ta'lim muassasalari koronavirus infeksiyasiga qarshi profilaktika maqsadlarida karantinga yopiladi. Bu haqda Kun.uz’ning Maktabgacha ta'lim vazirligidagi manbasi ma'lum qildi.

Bugun O‘zbekistonda koronavirusga chalingan ilk bemor aniqlandi.

Ayni vaqtda O‘zbekiston bosh vaziri Abdulla Aripov ishtirokida koronavirus mavzusiga bag‘ishlangan brifing boshlanishi kutilmoqda. Brifingda O‘zbekistonda koronavirus paydo bo‘lishi munosabati bilan qo‘llanadigan choralar haqida e'lon qilinishi mumkin.

• Mart oyi boshida O‘zbekistondagi barcha bog‘chalarda koronavirusga qarshi nazorat tadbirlari kuchaytirilgandi.