Italiya koronavirus oqibatida qancha zarar ko‘rishi aytildi
Italiya bosh vaziri Juzeppe Konte mamlakat hududida aholiga zarur mahsulot va xizmatlar taqdim etish bilan bog‘liq faoliyat olib bormaydigan barcha ishlab chiqarishlar to‘xtatilishi to‘g‘risidagi dekretni imzoladi.
Italiya koronavirus tarqalishiga qarshi kurash doirasida ishlab chiqarish faoliyati to‘xtatilishidan oyiga 100 milliard yevroga yaqin iqtisodiy zarar ko‘rishi mumkin. Bu haqda Italiya sanoati umumiy konfederatsiyasi prezidenti Vinchenso Bochcha ma'lum qildi.
Yakshanba kuni Italiya bosh vaziri Juzeppe Konte mamlakat hududida aholiga zarur mahsulot va xizmatlar taqdim etish bilan bog‘liq faoliyat olib bormaydigan barcha ishlab chiqarishlar to‘xtatilishi to‘g‘risidagi dekretni imzoladi.
Bochchaning so‘zlariga ko‘ra, mamlakatda ishlab chiqarish quvvatining 70 foizi to‘xtatiladi.
"Agar bizning YaIM yiliga 1800 milliard yevroni tashkil etadigan bo‘lsa, oyiga 150 milliard yevrolik ishlab chiqarish degani. Agarda ishlab chiqarishning 70 foizini to‘xtatsak, bu oyiga 100 milliard yevro yo‘qotishimizni bildiradi", - dedi u.
Italiya koronavirus tarqalishi bo‘yicha Yevropada birinchi o‘rinda turibdi va o‘tgan haftada qurbonlar soni bo‘yicha Xitoydan o‘tib ketdi.
Oxirgi ma'lumotlarga qaraganda, mamlakat bo‘yicha koronavirus yuqtirish bilan bog‘liq 60 mingga yaqin holat qayd etilgan, 7 mingdan ortiq bemor tuzalgan, 5476 kishi vafot etgan.
Mavzuga oid
21:28 / 29.09.2024
Germaniya prezidenti CC jinoyatlari uchun Italiyadan kechirim so‘radi
23:26 / 24.09.2024
Italiyadagi ko‘rgazmada 57 yoshli erkak xitoylik haykaltaroshning san’at asarini sindirdi
11:10 / 21.09.2024
O‘zbekiston va Italiya qishloq xo‘jaligida ilg‘or texnologiyalarni joriy etadi
10:20 / 19.09.2024