Nigeriyada jangarilar hujumi oqibatida 60 kishi halok bo‘ldi

Reuters axborot agentligining o‘z manbalariga tayanib xabar berishicha, hujumlar Monguno va Nganzay aholi punktlarida sodir etilgan. Jangarilar mahalliy shifoxonani egallab olishgan, shu sababli ba'zi yaralanganlar tibbiy yordamni shifoxonadan tashqarida kutishlariga to‘g‘ri kelgan. Bundan tashqari, jangarilar BMTning insonparvarlik markazi va mahalliy politsiya bo‘limini yoqib yuborgan. 

Jangarilar mahalliy tilda mahalliy aholini harbiylar va xalqaro yordam guruhlari bilan hamkorlik qilmaslikka chaqiruvchi xatlar tarqatgan.

Ma'lum qilinishicha, ushbu hujumlar “Islom davlati G‘arbiy Afrikada” (ISWAP) guruhining qo‘lidan 69 fuqaro halok bo‘lgandan bir necha kungina o‘tib sodir etilgan.

ISWAP (Islamic State's West Africa Province) 2015 yilda Nigeriyada 2002 yildan beri harakat qilib keluvchi “Boko harom” terrorchi guruhi otryadlaridan tashkil topgan.