Erdo‘g‘an ijtimoiy tarmoqlar qat'iy nazoratga olinishini e'lon qildi
Erdo‘g‘an moliya vaziri, shu bilan birgalikda kuyovi Berat Albayrakning to‘rtinchi o‘g‘li tug‘ilishi haqidagi tvitiga ayrimlar haqoratli izohlar yozganidan so‘ng ana shunday bayonot bilan chiqdi.
Turkiya prezidenti Rajab Toyyib Erdo‘g‘an ijtimoiy tarmoqlar hukumat tomonidan qat'iy nazoratga olinishini e'lon qildi.
"Yolg‘on, haqorat, shaxs huquqiga tajovuz qilish va tuhmatlarga to‘lib-toshgan bu kanallar tartibga solinishi shart", - dedi Erdo‘g‘an.
Turkiya rahbarining so‘zlariga ko‘ra u "bunday ijtimoiy kanallarni butunlay yo‘qotish va nazorat qilish" uchun qonun loyihasini parlamentga imkon qadar tezroq kiritmoqchi.
Erdo‘g‘an moliya vaziri, shu bilan birgalikda kuyovi Berat Albayrakning to‘rtinchi o‘g‘li tug‘ilishi haqidagi tvitiga ayrimlar haqoratli izohlar yozganidan so‘ng ana shunday bayonot bilan chiqdi. Turkiya prezidenti o‘n minglab kishilar bu xabarni ijobiy izohlagani, ammo axloq va insoniylikdan yiroq bo‘lgan ayrim "ablahlar" haqoratlar bilan javob yozishganini aytdi.
Adliya va politsiya organlari ularni aniqlash uchun zudlik bilan harakat boshladi, ular topilib, sud oldida javob beradi, dedi Erdo‘g‘an.
"YouTube, Twitter, Netflix va shunga o‘xshash ijtimoiy tarmoqlarga nima uchun qarshi ekanligimizni endi tushungandirsiz? Aynan mana shunday yaramasliklarni yo‘q qilish uchun", - deb qo‘shib qo‘ydi u.
Mavzuga oid
00:06 / 12.09.2024
Erdo‘g‘an: Turkiya hech qachon Qrim anneksiyasini tan olmaydi
09:05 / 03.08.2024
Erdo‘g‘an: 2024 yilgi Olimpiada ochilish marosimi g‘azabga sabab bo‘ldi
23:21 / 29.07.2024
“Ritorikalar bemaqsad bo‘lmaydi” - Erdo‘g‘anning Isroilga tahdidi qanchalik jiddiy?
07:32 / 29.07.2024