Samolyotda koronavirus yuqtirish ehtimoli qay darajada ekanligi baholandi

Nemis tadqiqotchilari samolyotda parvoz qilish vaqtida koronavirus yuqtirish ehtimolini baholashdi. Kasallik yuqtirish darajasi avval o‘ylanganidan ko‘ra ancha past bo‘lib chiqdi, deb yozadi Express.

Samolyotga chiqish va tushish vaqti yo‘lovchilar uchun eng xavfli onlar deb baholandi: odamlar eshiklar oldida to‘planadi, qo‘l yuklarini topshiradi va oladi.

Parvoz vaqtida salondagi havodan zararlanish nisbatan past bo‘lishi aytilmoqda. Tadqiqotda ko‘rsatilishicha, samolyot bortidagi havo har uch daqiqada to‘liq yangilanib turiladi. Konditsioner o‘rnatilgan xonada esa bu vaqt 12 daqiqani tashkil etadi.

Avvalroq germaniyalik olimlar koronavirusning 8 metrdan ortiq masofaga tarqalishi mumkinligini aniqlashgandi.